ශ්රී පාද උඩ මළුවෙන් පහළට පැන්න තරුණයා වතු කම්කරුවන්ට හමුවෙද්දී දවස් පහක් බඩගින්නේ ඉඳලා
![](https://csj.lk/wp-content/uploads/2024/04/8-2.jpg)
ශ්රී පාද උඩ මළුවෙන් පහළට පැන අතුරුදන්ව සිටි තරුණයා පෙරේදා (24 දා) පස්වරුවේ වතු කම්කරුවන් පිරිසක් විසින් දැක එම තරුණයාව නල්ලතන්නිය පොලිසිය වෙත භාරදී ඇති බව හැටන් කොට්ඨාස භාර පොලිස් අධිකාරී නිපුණ දෙහිගම මහතා පැවසීය.
ඉකුත් 19දා හම්බන්තොට සූරියවැව ප්රදේශයේ සිට කාන්තාවන් දෙදෙනකු ඇතුළු නඩයක් සමග ශ්රී පාද වන්දනාවේ පැමිණි දිනේෂ හේමන්ත නමැති 33 හැවිරිදි තරුණයා ශ්රි පාද පද්මය වන්දනා කර ශ්රී පාද රත්නපුර මාර්ගයේ මඳ දුරක් ගොස් උඩ මළුවේ ආරක්ෂිත වැටෙන් පහළට පනින අයුරු ශ්රීපාද උඩ මළුවේ සවි කර තිබූ ආරක්ෂිත කැමරාවේ දත්ත පද්ධතියේ සටහන් වී තිබුණි.