උමා ඔය 24 වැනිදා ජනතා අයිතියට
උමා ඔය බහුකාර්ය සංවර්ධන ව්‍යාපෘතිය ජනතා අයිතියට පත්කිරීම ඉරාන ජනාධිපති ඊබ්‍රහිම් රයිසි හා ජනාධිපති රනිල් වික්‍රමසිංහ මහත්වරුන් අතින් අප්‍රේල් 24 වැනිදා සිදු කිරීමට නියමිතය.
පසුගිය වසරේ සැප්තැම්බර් මාසයේදී ශ්‍රී ලංකා ජනාධිපති රනිල් වික්‍රමසිංහ මහතා එක්සත් ජාතීන්ගේ සමුළුව සඳහා එක්වූ අවස්ථාවේදී ඉරාන ජනාධිපතිවරයා සමඟ උමා ඔය ව්‍යාපෘතිය ගැන සාකච්ඡා කළ අතර එහිදී ඉරාන ජනාධිපතිවරයා මෙරට සංචාරයට පැමිණීමට කැමැත්ත පළ කර ඇත. එහිදී මෙම ව්‍යාපෘතිය ජනතා අයිතියට පත්කිරීම සඳහා එක්වන ලෙස ජනපති රනිල් වික්‍රමසිංහයන් විසින් ඉරාන ජනාධිපතිවරයාට ආරාධනා කර ඇති අතර ජනාධිපති ඊබ්‍රහිම් රයිසි එම ඇරියුම ඉතා සතුටින් පිළිගෙන තිබේ.
