අපනයන කේන්ද්‍රීය ඩිජිටල් සහ හරිත ආර්ථිකයක් සමඟ රට ඉදිරියට– ජනපති
අපනයන කේන්ද්‍රීය ඩිජිටල් සහ හරිත ආර්ථිකයක් සමඟ රට පෙරට ගෙන යන බව ජනාධිපති රනිල් වික්‍රමසිංහ මහතා අවධාරණය කරයි.
එතුමා ශ්‍රී ලාංකීය ආර්ථිකය නිවැරදි මාවතකට යොමු කෙරෙන ආර්ථික පරිවර්තන පනත් කෙටුම්පත සම්මත කර ගැනිමට සහාය වූ පාර්ලිමේන්තුවේ සියලු දේශපාලන පක්ෂ වෙත සිය ස්තුතිය පළ කරන ලදි.
එම වැඩපිළිවෙළ අඛණ්ඩව ඉදිරියට ගෙන යාමට එක්වන ලෙස ජනාධිපති රනිල් වික්‍රමසිංහ මහතා සියලු දේශපාලන පක්ෂ වෙත ආරාධනා කළේය.
අධ්‍යාපන හා තාක්ෂණ අමාත්‍යාංශ එකාබද්ධව ක්‍රියාත්මක කරන “ඩිජිටල් ආර්ථික ක්‍රමෝපාය 2030” වැඩසටහන යටතේ පාසල් සහ පිරිවෙන් සඳහා සුහුරු පන්ති කාමර උපකරණ ලබාදීම වෙනුවෙන් රඹුක්කන පරාක්‍රම මහා විද්‍යාලයේදී පසුගියදා(26) පැවති උත්සවයට එක්වෙමින් එතුමා මේ බව සඳහන් කර සිටියේය.
