ඇමැති මහින්ද අමරවීර මහතා අනිවාර්ය විශ්‍රාම ගැන්වූ රජයේ පොහොර සංස්ථා සේවකයන්ට කෝටි 82ක වැඩිම වන්දිය ගෙවූ බව වන්දි ප්‍රදානය කරමින් පවසයි.
කෘෂිකර්ම හා වැවිලි කර්මාන්ත ඇමැති මහින්ද අමරවීර මහතා ශ්‍රී ලංකාවේ රාජ්‍ය අංශයෙන් අනිවාර්ය විශ්‍රාම ගන්වන ලද සේවකයන්ට මෙතෙක් ගෙවන ලද වැඩිම වන්දි මුදල වන රුපියල් කෝටි 82.3 ක් ලංකා පොහොර සංස්ථාවේ හා කොමර්ෂල් පොහොර සංස්ථාවේ සේවකයන්ට ගෙවීමට කටයුතු කළ බව පැවසීය.
අනිවාර්ය විශ්‍රාම යෑමට කැමැත්ත පළ කළ සේවකයන්ට ඔවුන්ගේ සේවා කාලය අනුව වන්දි මුදල් පිරිනැමීම පෙරේදා (18) පෙරවරුවේ කිරිබත්ගොඩ, මාකොළ සමින්රෝ ග්‍රෑන්ඩ් ප්ලේස් හෝටලයේ පැවැති අවස්ථාවේදී ප්‍රධාන ආරාධිතයා ලෙස එක්වෙමින් ඇමැති මහින්ද අමරවීර මහතා මේ බව පැවසීය.
