දේශගුණික විපර්යාස-පාරිසරික අභියෝග ජයගැනීමේදී ශ්‍රී ලංකාවේ දායකත්වය සිංගප්පූරුවේ ඇගයීමට පාත්‍ර වෙයි
ඉකුත් 07 වැනිදා පරිසර හා තිරසර අමාත්‍යාංශයේදී සිංගප්පූරුවේ ශ්‍රී ලංකා මහ කොමසාරිස් සෙනරත් දිසානායක මහතා සහ සිංගප්පූරුවේ පරිසර හා තිරසර ඇමැති සහ වෙළෙඳ සබඳතා ඇමැති ග්‍රේස් ෆු හයි යින් මහත්මිය අතර හමුවක් සිදු විය.
මෙහිදි දේශගුණික විපර්යාස සහ හරිත ආර්ථිකය සම්බන්ධයෙන් ශ්‍රී ලංකාවේ වැඩපිළිවෙළ සැකෙවින් පැහැදිලි කළ මහ කොමසාරිස්වරයා විශේෂයෙන් ඉන්දීය සාගරය සහ නිවර්තන කලාපයේ දේශගුණික විපර්යාසවලට එරෙහිව ශ්‍රී ලංකාව ආරම්භ කර ඇති ප්‍රමුඛ ක්‍රියාමාර්ග පිළිබඳ විස්තර කළේය.
