තව පෝය තුනකින් ජනපති වෙන්න සිහින දකින අනුරට ගුරුවරුන් පාරට නොබස්සවා පඩි වැඩි කිරීමට තිබූ බව
ඇමැති මනූෂ නානායක්කාර පවසයි
මනූෂ නානායක්කාර මහතා මේ බව පැවැසුවේ පෙරේදා (29) මඩකලපුවේදී පැවැති මාධ්‍ය වැඩමුළුවකට සහභාගි වෙමිනි.
එහිදී කම්කරු හා විදේශ රැකියා ඇමැති මනූෂ නානායකකාර මහතා ‘‘තව පෝය තුනකින් අනුර කුමාර දිසානායක ජනාධිපති වන්නේ නම් ගුරුවරුන් පාරට නොබස්සවා ගුරු වැටුප් වැඩි කිරීමට ඔහුට හැකි බවත්, ජනතා විමුක්ති පෙරමුණ මෙසේ කටයුතු කරන්නේ ෆේස්බුක් සමාජ ජාලයේ මිස මහ පොළොවේ ජනාධිපති වීමට අනුර කුමාර දිසානායකට කිසිදා නොහැකි වීම හේතුවෙන් බවත්“ පැවැසීය.
