ශ්‍රී ලංකා කාන්තා ක්‍රිකට් කණ්ඩායම රන් පදක්කම අභියස
19 වැනි ආසියානු ක්‍රීඩා උළෙලේ පදක්කමක් අභියස සිටින ශ්‍රී ලංකාවට අද (සැප්තැම්බර් 25 වැනිදා) සුවිශේෂී දිනයකි.
ඒ අනුව ශ්‍රී ලංකා කාන්තා ක්‍රිකට් කණ්ඩායම රන් පදක්කම උදෙසා ප්‍රතිවාදී ඉන්දීය කණ්ඩායම සමග අද අවසන් මහ තරගයට ක්‍රීඩා කිරීමට නියමිතය.
ශ්‍රී ලංකා කාන්තා ක්‍රිකට් කණ්ඩායම පකිස්ථාන කණ්ඩායම පරාජයට පත් කරමින් ආසියානු ක්‍රීඩා උළලේ අවසන් මහ තරගයට සුදුසුකම් ලබා ගැනීමට ( සැප්. 24 වැනිදා) සමත් විය.
ශ්‍රී ලංකා කාන්තා ක්‍රිකට් කණ්ඩායම මීට පෙර 2014 වසරේ දකුණු කොරියාවේ පැවති ආසියානු ක්‍රීඩා උළෙලේදී ලෝකඩ පදක්කම ජයග්‍රහණය කිරීමට සමත් විය.
අද තරගය ජය ලැබූහොත් රන් පදක්ක දිනා ගැනීමට ශ්‍රී ලංකා කාන්තා ක්‍රිකට් කණ්ඩායමට අවස්ථාව උදාවන අතර අද තරගය ජය ලැබීමට නොහැකි වුවහොත් ඔවුන්ට රිදී පදක්කම හිමිවනු ඇත.
