ශ්‍රී ලංකා ටෙනිස් අනුශූරතාවය දිනා ගත් කණ්ඩායම කටුනායකට
නේපාලයේ පැවති දකුණු ආසියානු ටෙනිස් ශූරතා තරගාවලියට සහභාගී වූ වයස අවුරුදු 12 න් පහළ ශ්‍රී ලංකා කාන්තා ටෙනිස් කණ්ඩායම එහි අනුශූරතාවය දිනා ගනිමින් කටුනායක ගුවන් තොටුපොළ වෙත පැමිණියහ .
මෙම තරගාවලිය ඉකුත් 20 දින සිට 24 දින දක්වා නේපාලයේ කත්මණ්ඩු නුවර පවත්වා තිබුණි .
මෙසේ මෙම තරගාවලියෙන් අනුශූරතාවය දිනා ගත් ශ්‍රී ලංකා ටෙනිස් ක්‍රීඩිකාවන් පිරිස එළඹෙන සැප්තැම්බර් මාසයේ පැවැත්වෙන ආසියානු ටෙනිස් ශූරතා තරගාවලිය සදහා සුදුසුකම් හිමි කර ගෙන තිබේ .
එමෙන්ම මෙම තරගාවලියට සහභාගී වූ වයස අවුරුදු 12 න් පහළ පිරිමි ශ්‍රී ලංකා කණ්ඩායම එම තරගාවලියෙන් තෙවන ස්ථානය දිනා ගෙන , කටුනායක ගුවන් තොටුපොළ වෙත පැමිණ තිබුණි .
