ඉම්රාන් ඛාන්ට තවත් වසර 10ක සිර දඬුවම්
රාජ්‍ය රහස් හෙළි කළ බවට චෝදනා එල්ල වූ පාකිස්ථානයේ හිටපු අගමැති ඉම්රාන් ඛාන්ට වසර 10ක සිර දඬුවමක් එරට අධිකරනය නියම කර තිබෙනවා
2022 වසරේදී ඔහුගේ විරුද්ධවාදීන් විසින් අගමැති ධුරයෙන් නෙරපා හරින ලද ඉම්රාන් ඛාන්, දූෂණ චෝදනාවලට වරදකරු වී දැනටමත් වසර තුනක සිර දඬුවමක් විඳිමින් සිටිනවා.
තමාට එල්ල වී ඇති සියලුම චෝදනා දේශපාලන අරමුණු සහිත ඒවා බවයි හිටපු අගමැතිවරයා ප්‍රකාශ කර ඇත්තේ.
රහස් පනත යටතේ වරදකරු කිරීම පැමිණෙන්නේ ඔහුට පෙනී සිටීම තහනම් කර ඇති මහ මැතිවරණයට සතියකට පෙරය.
හිටපු අග්‍රාමාත්‍යවරයාගේ ක්‍රියාව රහසිගත ලියවිල්ලක් පිටවීම සහ රාජ්‍ය තාන්ත්‍රික සබඳතා පළුදු කිරීමකට සමාන බවටයි පැමිණිල්ල විසින් ප්‍රකාශ කර තිබෙන්නේ
අවසාන චෝදනාව ජීවිතාන්තය දක්වා සිරදඬුවමකට හෝ මරණ දඬුවමට පවා හේතු විය හැකි බවද විදෙස් මාධ්‍ය කියා සිටිනවා.
මේ අතර හිටපු අගමැතිවරයා අගෝස්තු මාසයේ සිට අඩියාලා බන්ධනාගාරයේ රඳවා තිබෙන අතර එමෙන්ම පසුගිය මාස කිහිපය පුරා පැවති විශේෂ අධිකරණයේ නඩු කටයුතුවලට සහභාගී වීමට ජාත්‍යන්තර මාධ්‍යවලට අවසර නොලැබුණු බවයි විදෙස් මාධ්‍ය වාර්තා සදහන් කරන්නේ.
එල්ල වන චෝදනා මධ්‍යයේ මහ මැතිවරණය පෙබරවාරි 8 වැනිදා පැවැත්වීමට නියමිත බවද විදෙස් මාධ්‍ය පවසනවා.
