සිරියාවේදී ඉරාන ජෙනරාල්වරුන් ඝාතනය කළ බවට ඊශ්‍රායලයට චෝදනා එල්ල වේ
සිරියාවේ ඩැමස්කස් අගනුවර ඉරාන කොන්සල් කාර්යාල ගොඩනැගිල්ලට ඊශ්‍රායල ප්‍රහාරයක් එල්ල කිරීමෙන් නිලධාරීන් හත් දෙනෙකු මිය ගිය බව ඉරාන විප්ලවවාදී ආරක්ෂක බළකාය පවසයි.
ප්‍රභූ කුඩ්ස් බළකායේ ජ්‍යෙෂ්ඨ අණදෙන නිලධාරියකු වූ බ්‍රිග්-ජනරාල් මොහොමඩ් රීසා සහේඩි සහ ඔහුගේ නියෝජ්‍ය නිලධාරි බ්‍රිග්-ජනරාල් මොහොමඩ් හාඩි හාජි-රහිමි මියගිය අය අතර නම් කර ඇත.
ඉරාන සහ සිරියාවේ රජයන් ඉරාන තානාපති කාර්යාලයට යාබද ගොඩනැගිල්ලක් විනාශ කළ ප්‍රහාරය හෙළා දුටුවේය.
ඊශ්‍රායල හමුදාව ප්‍රකාශ කළේ විදෙස් මාධ්‍ය වාර්තා සම්බන්ධයෙන් තමන් අදහස් පළ නොකළ බවයි.
