පාස්කු ඉරිදා ප්‍රහාරයෙන් පීඩාවට පත් පවුල් 223කට නිවාස ඉදිකරදී අවසන් – ඇමැති ප්‍රසන්න රණතුංග
පාස්කු ඉරිදා ප්‍රහාරයෙන් පීඩාවට පත් පවුල් 223ක් සඳහා නිවාස ඉදිකර භාරදී ඇතැයි නාගරික සංවර්ධන හා නිවාස ඇමැති ප්‍රසන්න රණතුංග මහතා පැවසීය.
ඇමැතිවරයා මේ බව ප්‍රකාශ කළේ, අමාත්‍යාංශයේ පැවැති හමුවකට සහභාගි වෙමිනි.
තවත් නිවාස 11ක ඉදිකිරීම් මේ වන විට ආරම්භ වී තිබේ. පවුල් 223ක් සඳහා නිවාස ඉදිකිරීම සඳහා රජය වැය කර ඇති මුදල රුපියල් මිලියන 139කි. ඉඩමක් සමඟ නව නිවෙසක් ඉදිකිරීම, නව නිවාස ඉදිකිරීම, නිවාස අලුත්වැඩියාව මේ යටතේ සිදු කර තිබේ.
