තායිලන්තයේ හරිත රැල්ලට අඳුරු වලාකුළක් නව රජය කංසා තහනමක් ගැන කතාවක්
හොංකොක්හි හිටපු නීතිඥයෙකු වන Wassaya lemvijan කිසිදිනක ගංජා කැෆේ එකක් විවෘත කිරීමට සැලසුම් කළේ නැත. නමුත් මානසික ආතතිය සහ මානසික අවපීඩනය කළමනාකරණය කිරීමේ
මාර්ගයක් ලෙස ඇය ගංජා වෙත කාලයත් සමඟ යොමු විය. 2022 ජුනි මාසයේදී තායිලන්තය ගංජා තහනම ඉවත් කළ විට, ඇය සහ ඇගේ සැමියා වන නීතිඥ Nitikrist Attakrist ගංජා කැෆේ අවන්හලක් ආරම්භ කිරීමට තීරණය කළාය.
පසුගිය වසරේ තායිලන්තය පුරා බොහෝ ගංජා කැෆේ විවෘත විය. මීට පෙර, ගංජා භාවිතය අවදානම් වූ නමුත්, අපරාධකරණයෙන් නිදහස් කිරීමෙන් ( Dicriminalize) පසුව, එය වඩාත් ප‍්‍රචලිත විය. Khao San Road වැනි ජනප‍්‍රිය ස්ථානවල ගමන් කරන විට ඒ අවට ගංජා සුවඳ මහජනයා මංමත්කරයි.
කෙසේ වෙතත් මේ වන විට තායිලන්තය සිය ගංජා නීති නැවත වෙනස් කළ හැකි බවට වන ලකුණු පහළ වී තිබේ, ගංජා භාවිතය වෛද්‍යමය කරුණු සඳහා පමණක් යොදා ගැනීමට හැකිවන පරිදි නව සංශෝධන නීති හඳ්‍රන්වාදීමට ඉඩ ඇති බව පැවසේ. නව අග‍්‍රාමාත්‍ය ශේත්තා විසින් පසුගියදා පැවති සම්මුඛ සාකච්ඡාවකදී මේ බව සඳහන් කර තිබිණි.
වත්මන් නීතිය යටතේ, වෛද්‍ය මරිජුවානා (Medical cannabis ) 2018 දී නීත්‍යානුකූල වූ අතර, 2022 දී විවිධ අරමුණු සඳහා මරිජුවානා සහ කංසා නිෂ්පාදන වගා කිරීම, වෙළඳාම් කිරීම සහ භාවිතා කිරීම නීත්‍යානුකූල විය. නමුත් THC අන්තර්ගත සීමාවන් සහ ප‍්‍රසිද්ධියේ දුම්පානය සීමා කිරීම වැනි නීති තවමත් බලපැවැත්වේ.
මෙම නීති රීති හේතුවෙන් මෑතක සිට පොදු ගංජා භාවිතය වැඩි වී ඇති බව ජනතාව විශ්වාස කරයි. ඛැහ ීසබටා්ප වැනි ව්‍යාපාරිකයන් විශ්වාස කරන්නේ රජය මෙය නැවැත්වීමට උත්සාහ කරන නමුත් දැන් එය ප‍්‍රමාද වැඩි විය හැකි බවයි.
්එඒනරසිඑ සිතන්නේ මෙම වෙනස්කම් සඳහා රජය මීට වඩා හොඳින් සූදානම් විය යුතුව තිබූ බවයි. කුඩා ව්‍යාපාර, ගංජාවලට මාරු වූ ගොවීන් සහ තවත් බොහෝ දෙනෙක් තම ජීවනෝපාය සඳහා මෙම කර්මාන්තයෙන් යැපෙමින් සිටිති.
ප‍්‍රවීණයන් පවසන්නේ වෛද්‍ය මරිජුවානා කෙරෙහි පමණක් අවධානය යොමු කිරීමෙන් ගංජා කර්මාන්තයේ වර්ධනය සීමා කළ හැකි බවයි. බොහෝ ව්‍යාපාර ආරම්භ කර ඇති අතර සංචාරකයින් විශාල මුදලක් ගංජා සඳහා වැය කරයි. නියාමනය සහ සහාය අතර නිවැරදි සමතුලිතතාවය සොයා ගැනීම මේ මොහොතේ ඉතා වැදගත් බව මෙම ව්‍යාපාරයේ නියැලි සිටින බොහෝ පිරිසකගේ අදහසයි.
දැඩි මත්ද්‍රව්‍ය නීති ඇති බොහෝ ආසියාතික රටවලට වඩා තායිලන්තය වෙනස් ය. සමහර රටවල මත්ද්‍රව්‍ය සම්බන්ධ වැරදි සඳහා මරණ දණ්ඩනය පවා ඇත. විෂයෙහි ප‍්‍රවීණයන් පවසන පරිදි වෛද්‍ය භාවිතය සඳහා ගංජා සීමා කිරීම හොඳම ප‍්‍රවේශය නොවිය හැකි බවයි. නීතිය වෙනස් කිරීමට රජය සැලසුම් කරන්නේ කෙසේද යන්න තවමත් පැහැදිළි නැත. තායිලන්ත නව හවුල් ආණ්ඩුවට ගංජා ගැන විවිධ මත දරණ පක්ෂ ඇතුළත් වෙන අතර. කෙසේ නමුත් ගංජා ව්‍යාපාරය යටපත් කිරීම සංවිධානාත්මක අපරාධවලට සම්බන්ධවීම ඇතුළු තවත් සමාජ ගැටළුවලට තුඩු දිය හැකි බවට මත පළවී ඇත.
දැනට, අවිනිශ්චිතතාවය තිබියදීත්, ගංජා ව්‍යාපාර හොඳින් සිදුවෙමින් පවතින අතර. තායි ගංජාවල ගුණාත්මකභාවය වැඩි දියුණු වී ඇති අතර එය පාරිභෝගිකයන් ආරක්ෂිත කර ඇත.
නිරෝෂන් පෙරේරා
